Një grup i specializantëve kanë paralajmëruar një protestë e cila do të mbahet nesër (e enjte) në orën 10:30, në ambientet e Qendrës Klinike Universitare e Kosovës.

Ata do të bojkotojnë punën e tyre, duke protestuar për shkak të mosekzekutimit të shtesave për personelin shëndetësor të cilët nuk janë përfshirë në listën e përfituesve, edhe pse në vendimin e ministrit të Shëndetësisë, Armend Zemaj, është thënë se do të përfshihen të gjithë mjekët.

Ky grup protestues ka theksuar se këto shtesa janë duke i përfituar personat e administratës dhe mjekët që janë në pushime mjekësore që nga fillimi i pandemisë, duke mos u marrë me asnjë pacientë me Covid-19.

Arsyeja e dytë e protestës sipas tyre, është mos kompensimi i kujdestarisë.

Specializantë kanë thënë se në rast se ShSKUK-ja dhe MSh-ja thonë se nuk kanë mjete për të paguar askënd, atëherë ata do të jenë të parët në krye të detyrës, “por të mos bëhet ndarje të tilla”.