Deputetja e Kuvendit të Kosovës, Mimoza Kusari-Lila, ka reaguar pas rrëzimit të qeverisë Hoti nga Gjykata Kushtetuese.

Ajo përmes një postimi në llogarinë e vet në “Facebook”, ka shkruar se me këtë vendim të Kushtetueses u përmbys përfundimisht qëllimi dhe plani i mashtruesve dhe pazargjive.

Postimi i plotë i saj:

Sonte në natën më të gjatë të vitit, vie drita e shpresës për fitoren e drejtësisë mbi të padrejtën, e punës mbi mashtrimin dhe kthimit të vullnetit të qytetarëve aty ku e ka vendin, në institucionet legjitime të shtetit.

Sonte u përmbys përfundimisht qëllimi dhe plani i mashtruesve dhe pazargjive.

Nuk ka rrugë të shkurtër për te suksesi dhe as bypass për te pushteti.

Kush e mendon ndryshe e gjen atë që e meriton, shkarkimin dhe dënimin nga qytetarët sot dhe gjykimin nga historia nesër.

Kosovë, pranvera po të vjen më herët kësaj radhe!