Kreu i Partisë Demokratike, Lulzim Basha, ka botuar librin me titull “Misioni im”. Me këtë libër, Basha kërkon që t’u japë një mesazh shqiptarëve që ta votojnë ata në zgjedhjet e 25 prillit, pasi tregon misionin e tij që ka për qeverisjen e vendit.

Botimi i librit është bërë nga shtëpia botuese “Skanderbeg” që drejtohet nga Flutura Açka, e cila është dhe kandidate për deputete e Partisë Demokratike.

Në “Misioni im”, Basha rrëfen të gjitha ngjarjet gjatë karrierës së tij politike, si i ka përjetuar që nga viti 1992, dhe betejën opozitare të viteve të fundit.

Kujtojmë se dhe në vitin 2013 pak muaj para zgjedhjeve kreu i opozitës në atë kohë, Edi Rama, botoi librin “Kurbani”. /tvklan.al/