I dërguari i ShBA-së për Ballkanin, Matthew Palmer dhe përfaqësuesi special i Bashkimit Evropian për dialogun Kosovë-Serbi, Miroslav Lajçak kanë shkuar së bashku në Presidencë, ku janë pritur nga presidentja Vjosa Osmani.

Palmeri dhe Lajçaku paraprakisht janë takuar me drejtuesit e opozitës.

Ata do të qëndrojnë për dy ditë në Kosovë, ndërsa nesër  në orën 10: 45 do ta mbajnë një konferencë të përbashkët për medie, në zyrën e BE-së në Prishtinë.

Gjithashtu, Palmeri dhe Lajçaku do të takohen edhe me kryeministrin Albin Kurti dhe me komunitetin ndërkombëtar në Kosovë.