Ministria e Punëve të Brendshme njofton se gjatë ditës së djeshme në vendkalimin “Bllacë e Poshtme” është arrestuar një shtetas i Shqipërisë, për shkak se kërkohej nga Interpoli.

“Më 25.10.2021 në orën 23:00 në vendkalimin kufitar “Bllace e Poshtme” gjatë kontrollit të pasaportave është konstatuar se N.F. (42) nga Republika e Shqipërisë është regjistruar në njësinë operative me masën “arrestim” me kërkesë të Interpolit.

Personi i arrestuar është dorëzuar në stacionin policor në Çair për procedurë të mëtejshme”, njoftojnë nga Ministria për Punë të Brendshme.