Sot, Sektori i Hetimeve Rajonale Gjilan, në bashkëpunim dhe koordinim të plotë me Prokurorinë Themelore në Gjilan ka kryer një operacion policor, ku është arrestuar një person me inicialet A.A (1973), shtetas i Republikës së Maqedonisë Veriore në bazë të një urdhërarresti ndërkombëtar të lëshuar nga Interpoli.

Pas arrestimit, të njëjtit i është kontrolluar vend-qëndrimi i përkohshëm në qytetin e Gjilanit.

I njëjti me vendim të prokurorit të shtetit nga Prokuroria Themelore Gjilan, është ndaluar për 48 orë.

Rasti do të trajtohet në koordinim me institucionet përkatëse.