Llapi gjatë ditës së djeshme ka njoftuar se tifozët e skuadrës malazeze Buduçnost nuk do të vijnë për ta përcjell ndeshjen që do të zhvillohet sonte në “Fadil Vokrri”.

Prandaj 2 mijë e 600 biletat që ishin paraparë të ndaheshin për ta do të shiten me çmim prej 1 euro.

Sonte me fillim nga ora 20:00, Llapi do ta luajë ndeshjen e kthimit kundër skuadrës nga Mali i Zi, Buduçnost.

Në Podgoricë, llapjanët kanë humbur me rezultat 2:0.

Synim i skuadrës kosovare është përmbysja e rezultatit dhe kalimi në fazën tjetër.

Njoftimi i plotë:

Të dashur tifozë,

Ju njoftojmë se përshkak të mos pjesëmarrjes së tifozëve të ekipit mysafir, do të ketë në shitje edhe bileta për Sektorin e Jugut, të cilat kushtojnë vetëm 1 Euro.

Për lokacionin e shitjes së tyre do njoftoheni me kohë.

Poashtu ju njoftojmë se bileta në dispozicion për shitje kanë mbetur vetëm në Veri, një sasi e tyre dhe tashmë në Jug do jenë 2600 bileta në dispozicion.