Pak ditë pasi gjyqtari argjentinas Nestor Pitana sinjalizoi fundin e finales së Kupës së Botës, FIFA ka shprehur gjithë kënaqësinë e saj me paraqitjen e xhaketave të zeza gjatë 64 ndeshjeve të turneut dhe përdorimin për herë të parë të “Video Assistant Referees” (VAR), të cilin e ka cilësuar shumë të suksesshëm.

Në 64 ndeshjet e këtyre 31 ditëve, gjyqtarët bënë 20 rishikime në fushë, ndërkohë që nga monitori skuadrat e gjyqtarëve kontrolluan në total 455 incidente, mesatarisht 7.1 për ndeshje. Por këto të fundit nuk kuptohen nga publiku, pasi bëhen ndërkohë që loja vazhdon të luhet.