Raportuesja për Kosovën në Parlamentin Evropian, Viola von Cramon, pret që plani evropian t’i shtyjë pesë shtetet anëtare të BE-së që nuk e kanë njohur Kosovën ta bëjnë një gjë të tillë.

Nga 27 shtetet anëtare të BE-së, Kosovën nuk e njohin ende Spanja, Rumania, Sllovakia, Qipro e Greqia.

Von Cramon beson se me marrëveshjen kjo do të ndryshonte dhe do të hapej formalisht rruga e Kosovës drejt BE-së.

“Edhe nëse mungon nënshkrimi përfundimtar, ky është një sukses i madh politik për BE-në dhe për të gjithë rajonin”, ka thënë Von Cramon për “Deutsche Wellen”.