KFOR-i afrohet tek objektet e komunave në veri
Forca të shumta të KFOR-it dhe EULEX-it në këtë mëngjes janë stacionuar përpara objekteve komunale në veri të vendit.
Prania e tyre është rritur në Mahallën e Boshnjakëve në Mitrovicën verore, ku siç shkruan Kossev, janë vendosur 7 njësite këtë mëngjes.
Gjithashtu thuhet se janë vendosur para objektit të Komunës së Mitrovicës Veriore. Në hyrje të ndërtesës është duke qëndruar edhe Policia e Kosovës.
Ndërkohë që serbët lokalë janë mbledhur këtë mëngjes përpara objekteve në Lepsoaviq dhe Zveçan.
Edhe në Komunën e Zveçanit gjitahshtu janë stacionuar një numër i madh i pjesëtarëve të Policisë së Kosovës, KFOR-it dhe EULEX-it.
Ata janë stacionuar në afërsi të Kishës, rrugës që çon drejt objektit të komunës, por edhe përpara shkollës së mesme e cila nuk është shumë larg shkollës fillore.
