Një prani e shtuar e ushtarëve të KFOR-it gjendet para objekteve të komunave të Mitrovicës së Veriut, Leposaviqit, Zveçanit e Zubin-Potokut.

Kryetari i Listës Serbe, Goran Rakiq, ka dalë në Zveçan dhe ka biseduar me pjesëtarë të misionit paqeruajtës KFOR në Zveçan.

Sipas raportimeve të Radios Evropa e Lirë, Rakiqi tha se kërkesë e serbëve atje është që kryetari i ri i kësaj komune, Ilir Peci, të mos hyjë në objektin komunal.

Ai, po ashtu, kërkoi nga KFOR-i që Policia e Kosovës t’i tërheqë njësitet speciale nga kjo zonë.