Raportohet se Policia e Maqedonisë së Veriut mbrëmë në orën 19:30 minuta, në vendkalimin kufitar “Bllacë e Poshtme” ka privuar nga liria SH.K. (38) nga Kosova, përcjell “albinfo.ch”.

Siç ka bërë me dije Ministria e Punëve të Brendshme, gjatë kontrollit të automjetit “Mercedes” me targa nacionale të Kosovës, të cilin ai po e drejtonte, është konstatuar se automjeti është i vjedhur dhe se për të ekziston kërkim ndërkombëtar nga Interpoli i Holandës.

Automjeti është sekuestruar, kurse SH.K. është në mbajtje në stacion policor.

Pas dokumentimit të plotë të rastit, kundër tij do të parashtrohet kallëzim adekuat.