Pas gati një ore ka përfunduar asambleja e Partisë Socialiste mbajtur këtë të mërkurë të 26 korrikut.

Ashtu siç ishte paralajmëruar, kreu i Partisë Socialiste, Edi Rama, ka realizuar disa ndryshime në organizmin e selisë rozë.

Rama ka emëruar si sekretar të Përgjithshëm të PS-së, Blendi Klosin duke larguar kështu Damian Gjiknurin, i cili këtë detyrë e mbante që prej shtatorit të 2021-shit.

Klosi ka mbajtur detyrën e sekretarit organizativ të PS-së.

Po ashtu ministri i shkarkuar Bledi Çuçi u zgjodh kryetar i Grupit Parlamentar.

Ai merr kështu postin e mbajtur nga ministri i ri i Brendshëm, Taulant Balla.

Mësohet gjithashtu se Rama ka paralajmëruar ndryshime në Qeveri, por se me këto ndryshime do të merrej ditën e nesërme.

Ndërkaq, në deklaratën për mediat, Çuçi ka mirëpritur pozicionin e ri.

Gjiknuri, nga ana tjetër, u shpreh se ka kohë për komente.

“Më mirë do të bëhet”.