Presidentja e Kosovës, Vjosa Osmani, ka njoftuar se gjatë vizitës në selinë e NATO-s në Bruksel është takuar edhe me përfaqësuesit e përhershëm të shteteve të QUINT-it në NATO, ShBA-së, Britanisë së Madhe, Francës, Gjermanisë dhe Italisë.

Osmani ka bërë me dije se me ta ka diskutuar për sfidat e sigurisë në rajon dhe siç ka thënë rolin konstruktiv të Kosovës.

“Diskutuam sfidat e sigurisë në rajon dhe rolin konstruktiv të Kosovës. Eksploruam bashkërisht mundësi kreative për përparim në kohë reale dhe integrim euroatlantik”, ka njoftuar Osmani.