Presidenti amerikan, Donald Trump deklaroi se hapësira ajrore mbi dhe rreth Venezuelës do të jetë plotësisht e mbyllur.

Megjithatë, disa aeroplanë janë parë duke hyrë në hapësirën ajrore venezuelase ose duke qëndruar pranë saj.

“Të gjitha kompanitë ajrore, pilotët, trafikantët e drogës dhe tregtarët e qenieve njerëzore, ju lutemi konsideroni që hapësira ajrore mbi dhe rreth Venezuelës është plotësisht e mbyllur”, tha ai.

Trump nuk dha detaje të hollësishme se si do të zbatohet ky mbyllje e hapësirës ajrore.

Javën e kaluar, autoriteti amerikan i aviacionit paralajmëroi kompanitë kryesore ajrore për një situatë potencialisht të rrezikshme gjatë fluturimeve mbi Venezuelën për shkak të përkeqësimit të sigurisë dhe aktivitetit të shtuar ushtarak brenda ose rreth vendit.

Venezuela ia hoqi të drejtën operacionale gjashtë kompanive të mëdha ndërkombëtare ajrore që kishin pezulluar fluturimet drejt këtij vendi pas paralajmërimeve të Administratës Federale të Aviacionit të SHBA-së, raporton Telegrafi.