Aleanca për Ardhmërinë e Kosovës në Kamenicë ka vendosur që në balotazh t’i japë mbështetje kandidatit të Lëvizjes Vetëvendosje, Kadri Rahimaj.

Kjo është bërë e ditur nga Faton Jakupi, kryetar i AAK-së në këtë komunë.

“Sot në mbledhjen e Këshillit Drejtues së AAK dega në Dardanë, duke u bazuar në Statutin e saj dhe me shumicë votash, u mor VENDIM, që në garën e balotazhit në zgjedhjet për kryetar të komunës ta përkrahë kandidatin e VV.”, ka shkruar Jakupi.

AAK ka bashkëqeverisur me Qëndron Kastratin, ku Jakupi është nënkryetar i Komunës.