Reperi me prejardhje shqiptare, Action Bronson, i cili sot ka arritur në Prishtinë, ka mbajtur një konferencë për media, ku ka folur për pjesëmarrjen e tij në  festivalin “Sunny Hill” që mbahet në Parkun e Gërmisë më 10, 11 dhe 12 gusht dhe do të mbledh shumë yje botërore e vendore.

Action Bronson do të performojë në natën e dytë të festivalit e cila i kushtohet muzikës hip-hop. “Do të jetë një performancë fantastike, më e mira ndonjëherë. Më pëlqen një festival që po sjellë trashëgimi shqiptare, me emra shqiptarë” ka thënë Bronson.