Ahmeti: E vërteta për vdekjen e Astrit Deharit nuk mund të fshihet pafundësisht

27 tetor 2019 | 12:40

Kryetari i Komunës së Prishtinës, njëhrësh edhe kryetar i PSD-së, Shpend Ahmeti, thënë se e vërteta për vdekjen e aktivistit të Lëvizjes Vetëvendosje, Astrit Deharit, nuk mund të fshihet pafundësisht.

Ai përmes një postimi në llogarinë e vet në “Facebook”, ka shkruar se tani po vërtetohet që dikush ka pasur interes që e vërteta të mos zbulohet e tëra.

“Të gjithë që e kanë njohur Astritin, e dinë së çfarë qytetari shembullor kemi humbur. Astriti përveç që ka qenë aktivist i pashoq i Lëvizjes Vetëvendosje, na ka ndihmuar me punën e tij në Komunën e Prishtinës në sektorin e shëndetësisë si një prej studentëve më të mirë të mjekësisë. Vitet shkojnë por padrejtësitë nuk zbuten e duke mos e ditur të vërtetën, as plagët nuk shërohen”, ka shkruar Ahmeti.

Shkrimi i plotë i tij:

Siç e kemi thënë publikisht në çdo mundësi pas vdekjes së Astritit, pa marr parasysh rrethanave, Astriti ka hyrë në burg në pranga, i gjallë, dhe gjatë mbajtjes në burg as që është ngritur aktakuza e as që është intervistuar zyrtarisht. Përgjegjësi për vdekjen e tij sa ka qenë në mbajtje nga shteti nuk ka marr askush as në udhëheqësinë e burgut e lere më në udhëheqësinë shtetërore.
Tani, po vërtetohet që dikush ka pas interes që e vërteta të mos zbulohet e tëra. E vërteta nuk mund të fshihet pafundësisht. Hetimin e plotë, të pavarur, dhe me ekspertë të pavarur ja kemi borxh jo vetëm Astritit, gruas e vajzës së tij e familjes Dehari, por ja kemi borxh secilit qytetar të Republikës së Kosovës.
Nuk mundet që një qytetar i Republikës të pajtohet se mund të burgoset pa asnjë dëshmi, mund të mbahet në burg pa intervistim dhe mund të humb jetën në rrethana të tmerrshme pa sqaruar dhe pa marr përgjegjësi askush.
Nuk mundet! Nuk bën të pranohet dhe nuk duhet të pranohet. Dhe nuk do ta pranojmë, derisa ta dimë të vërtetën.
Por siç e ceka në fillim. Pa marr parasysh rrethanave, Astriti ka vdekur derisa do të duhej të ishte në “përkujdesje” të shtetit. Kjo në vete është përgjegjësi e rëndë ligjore e politike.
Krejt në fund, të gjithë që e kanë njohur Astritin, e dinë së çfarë qytetari shembullor kemi humbur. Astriti përveç që ka qenë aktivist i pashoq i Lëvizjes Vetëvendosje, na ka ndihmuar me punën e tij në Komunën e Prishtinës në sektorin e shëndetësisë si një prej studentëve më të mirë të mjekësisë. Vitet shkojnë por padrejtësitë nuk zbuten e duke mos e ditur të vërtetën, as plagët nuk shërohen.

Fjalët Kyçe:

Lajme të sponsorizuara

Të fundit
Edhe pse e ka arkivuar çështjen e titullit kampion bote,…