Lideri i BDI-së, Ali Ahmeti, ka shprehur ngushëllime familjarëve të viktimave të aksidentit tragjik në Bullgari, ku kanë mbetur të vdekur 46 shqiptarë nga Maqedonia e Veriut.

Në profilin e tij në “Facebook”, ai ka shkruar se mëngjesi i sotëm shqiptarëve të Maqedonisë së Veriut iu solli shumë dhembje.

“Sa shumë dhimbje që na solli mëngjesi i sotëm.  Aksidenti i tmerrshëm i trafikut në Bullgari mori jetën e kaq shumë qytetarëve tanë. Në këto çaste të rënda pikëllimi dhe dhimbjeje, shpreh ngushëllime më  sinqerta për familjet e atyre që humbën jetën në aksidentin tragjik në Bullgari dhe lus Zotin t’ju falë durim familjarëve dhe shërim të lënduarve”, ka shkruar Ahmeti.