Aktorja Tinka Kurti, humbi më të dashurin e saj

06 shkurt 00:14

Zef Kurti ishte djali i vetëm i aktores së mirënjohur Tinka Kurti.

Për arsye që nuk dihen, ai ka mbajtur një profil të ulët publik pas vitit 1990, ndërsa më herët është aktivizuar edhe në disa shfaqje të teatrit “Migjeni” të Shkodrës. Zefi ka provuar pak edhe aktrimin, më shumë me role episodike. Një nga filmat është ai i “Udhëtim në pranverë” ku luan rolin e Lekës, në një dialog të shkurtër para teatrit “Migjeni” në Shkodër, film i vitit 1978.

Duke qënë se mbase nuk mund të ndiqte gjurmët e nënës së tij, Zefi nuk përqendrohet shumë tek arti skenik. Ndoshta edhe për këtë arsye, por edhe për mundësi më të mëdha për familjen, Zefi vendos të emigrojë në Kanada ku ndërtoi jetën e tij.

Ata që e njohin nga afër Tinkën, e njohin mallin që ajo kishte për djalin e saj të vetëm, i cili sot u nda nga kjo jetë, shkruan shkodraweb. Zef Kurti ndërroi jetë si pasojë e nje goditjeje fatale në zemër në moshën 65- vjeçare. Pritet që trupi i pajetë të vijë në Shqipëri për të pushuar përjetësisht ne vendlindje.

Lajme të sponsorizuara

Të fundit
Me qindra përdorues të iPhone X, janë shprehur të shqetësuar…