Alcaraz mbyll sezonin dhe rrezikon të dorëzojë fronin

10 nëntor 14:05

Tenisti spanjoll Carlos Alcaraz, numri 1 në botë, nuk do të luajë në ATP Finals, turneu i më të mirëve, që do të nisë javën e ardhshme në Torino (Itali).

Në këtë turne luajnë 8 tenistët më të mirë në botë, por do të mungojë pikërisht ai që kryeson renditjen. Alcaraz u dëmtua pak ditë më parë në turneun Masters të Parisit, duke u tërhequr për shkak të një problemi muskulor. Ka qenë vetë 19-vjeçari spanjoll ai që dha lajmin se do të mungojë në Torino (13-20 nëntor), duke shtuar se nuk do të rikthehet më në fushë këtë vit.

Çka do të thotë që Alcaraz nuk do të luajë as në Kupën Davis, që zhvillohet më vonë, më 23-27 nëntor në Malaga. Alcaraz e mbyll këtë vit me 57 fitore e 13 humbje në karrierën e tij, ku fitoi në 5 turne, përfshi edhe US Open.

“Për fat të keq, kam një dëmtim në muskulin abdominal dhe kërkon 6 javë kohë rikuperim. Sezoni për mua është i mbyllur, duke mos luajtur dot në Torino”, ka thënë Alcaraz, që rrezikon të dorëzojë kreun e renditjes botërore nëse rivalët më të afërt në renditje fitojnë në Torino.

 

Lajme të sponsorizuara

Të fundit
Ushtruesi i detyrës së Kryeprokurorit të Shtetit, Besim Kelmendi, i…