ALESSANDRA CHIURCO

22 janar 17:44

Alessandra Chiurco e përkufizon veten si artizane të muzikës dhe të fjalëve. Është këngëtare dhe kompozitore, mësuese e muzikës dhe e pianos. Pas 27 shpërnguljeve të bëra brenda 33 vjetëve, tani jeton dhe punon në Trieste.

 

FLOKËT E POETEVE

 

Flokët e poeteve

mbledhin në solidaritet

rrënjët e tërthorshme të mendimit

në drejtime të papritura

mbi qafën e pambrojtur

 

në mes

gjithmonë hapur si libër

kaçurrelat e pakorruptueshme

në mes të lidhshmërisë të mbytura në luftime

 

të bardha, të shkurtra, të trazuara nga të reshurat e kujtesës

të gjata e pa fre,

të disiplinuara me të drejtat e kapëseve

tufa të pabindura

hi i përhapur me urtësi

nga kyçet në kyçe

flokët e pezullta bëjnë shëtitje vetmitare

në hapësirë

thyejnë frontin me ngjyra të ndezura

ndërsa çrregullojnë dukshmërinë

 

AIRI I WEB-it

 

Me ia kthyer vetminë botës

boshe e të padiferencuar

njerëzit e mbetur

që kënaqin etjen e dukjes

që u mungon zgjedhja

të largët në flagrancë

në ndërhyrje të vazhdueshme

që kërkon konfirmimin

e një duartrokitje të paqartë

në mungesë të gishtit tregues.

Jepini vetes të paktën vetëm një çlirim

kërceni nga koha

planifikojeni fundin e botës

gara fillon në qiell

por jo kokulur me pastaj të jepet llogaria

hapuni për së gjeri e gjati se kështu ua paguani

krahët fatit

Filloni nga qielli

është e mrekullueshme ndjenja me qenë kudo

e askund

me u  zhduk e me rilindë përsëri

përjetësinë dhe asgjënë e kemi përbrenda

e në çdo rrahje qerpiku

baraspesha qëndron duke shikuar miopikun

mendoni përtej syve

Ëndërroni si astigmatik

 

(Përktheu nga italishtja, për revistën “Akademia”, Leonora Buçinca)

 

Fjalët Kyçe:

Lajme të sponsorizuara

Të fundit
Gabriella Valera ka lindur në Baia, një qytet i vogël…