Aliu: Pse Hoti nuk e shkarkon Rakiqin, a do të thotë se pajtohet me të?

30 nëntor 11:26

Ushtruesi i detyrës së shefit të grupit parlamentar të Lëvizjes Vetëvendosje, Liburn Aliu, në seancën e sotme të Kuvendit ka kërkuar shkarkimin e zëvendëskryeministrit Goran Rakiq.

Aliu ka treguar se Rakiqi e ka shkelur heshtjen zgjedhore ditën e djeshme dhe se e ka pranuar që dirigjohet nga shteti i Serbisë, derisa ka pyetur “a do të thotë kjo se z. Hoti pajtohet me qëndrimet e tij?”, meqenëse nuk e ka shkarkuar Rakiqin pas kësaj deklarate.

“Dje, zëvendësi tjetër i Avdullah Hotit, Goran Rakiq theu heshtjen zgjedhore duke kërkuar që qytetarët e Veriut të Mitrovicës ta votojnë kandidatin e Listës Serbe. Ky zëvendësi i dytë madje deklaron se Lista Serbe e ka përkrahjen e shtetit të Serbisë dhe presidentit Aleksandër Vuçiq. Tash, Goran Rakiq nuk është një qytetar i zakonshëm. Qëndrimi i tij pashmangshëm e implikon edhe institucionin ku bën pjesë, Qeverinë e Kosovë”, ka thënë Aliu.

Ai ka shtuar se ka qenë “e pritshme dhe normale të ndodhin shkarkimet tashmë”, duke përfshirë edhe zëvendëskryeministrin tjetër, Driton Selmanajn.

Lajme të sponsorizuara

Të fundit
Në Iran është zhvilluar ceremonia e varrimit të shkencëtarit të…