Alkimia e pushimores ‘Ganimete Tërbeshi’

21 qershor 19:42

Shkruan: Kimete Berisha

Krejt Kosova u shku për uflla, u privatizu, s’ka mbet gjë pa u tjetërsu, ndërsa qeveria e Kosovës po lyp ‘hak’ për një pushimore që e paska Kosova në Mal të Zi.

Ku me marrë pushimoren që me ta kthy?

Qysh me t’i kthy 4500 metra tokë?

Me nda Malin e Zi, a me shpall pushimoren ‘Ganimete Tërbeshi’ shtet të pavarur nga Mali i Zi!

A ka logjikë që një shtet ta padis një shtet tjetër për një pushimore të blerë në një realitet tjetër, në një tjetër kohë?

S’ka logjikë!

Dhe nëse ta kthen Mali i Zi pushimoren, qysh don me pru n’Kosovë?

A e ke blé tokën a pushimoren, se toka e një shteti tjetër s’blihet!

Cili shtet e shet një copë të shtetit të vet?

Kosova nuk ishte shtet (kur e paska blerë pushimoren), që sot ish pushimoren Ganimete Tërbeshi ta konsiderojë si pronë të saj shtetërore.

Kjo ide e qeverisë së Kosovës është sherr i paimagjinueshëm dhe hile e madhe që e frymëzon Serbinë!

Është alkimi, është shkencë e rreme mesjetare, është qeverisje e çmendur.

Sepse, qeveria po lyp diçka që s’kthehet,

pra po lyp sherr, sepse po e lyp të pamundurën.

Nuk ka logjikë që një shtet të ketë prona shtetërore në një shtet tjetër, sepse kur e ka blerë pushimoren as Kosova as Mali i Zi nuk kanë qenë shtete!

A po don n’këtë harxh me kthy edhe Jugosllavinë?

Se pa u kthy Jugosllavia nuk kthehet pushimorja!

Po doni ta ktheni Kosovën deri aty ku nuk ishte shtet!

Pse, kur e dini që nuk mundeni!

Sepse e kaluara nuk redaktohet, të kaluarën nuk e ndryshon asnjë Drejtësi!

P.S. Nakupenda pia, nakutaka pia, mpenzi we 😂.

Lajme të sponsorizuara

Të fundit
Fushata “Liria ka emër, UÇK”, filloi menjëherë pas arrestimit të…