Pas vendimit të shteteve anëtare të Bashkimit Evropian për hapjen e negociatave me Shqipërinë vitin e ardhshëm, ka reaguar edhe Ambasada Amerikane në Tiranë.

 Selia diplomatike amerikane ka përgëzuar Shqipërinë për marrjen e një afati zyrtar për nisjen e negociatave.

 Ambasada Amerikane në Shqipëri ka vlerësuar ecurinë e reformave të bëra deri më tani dhe ka bërë thirrje në luftimin e krimit.

 “Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar”, thuhet në deklaratën e Ambasadës Amerikane në Shqipëri.