Ambasada Britanike në Prishtinë ka reaguar pas ngjarjeve të ditës së djeshme në veri të Kosovës.

Përmes një reagimi, ata kanë thënë se e mbështesin Qeverinë e Kosovës për aksionin në veri.

Sipas tyre veprimet kundër krimit të organizuar janë në interes të të gjithë qytetarëve të Kosovës.

Gjithashtu, ambasada britanike ka shprehur shqetësim për pengimin e gazetarëve gjatë raportimit, duke thënë se ata kanë të drejtë të veprojnë në një mjedis të sigurt.

Reagimi i plotë:

Veprimi kundër krimit të organizuar është në interes të të gjithë qytetarëve të Kosovës dhe ne mbështesim Qeverinë e Kosovës në respektimin e sundimit të ligjit në të gjithë Kosovën.

Përpjekjet për të penguar këtë veprim me dhunë, si dhe përdorimi i retorikës nxitëse, shërben vetëm për të ndihmuar ata që kërkojnë të krijojnë ndarje në mes të komuniteteve në Kosovë.

Ne jemi gjithashtu të shqetësuar për raportet e frikësimit të gazetarëve që përpiqen të bëjnë punën e tyre dhe të raportojnë faktet në terren. Gazetarët kanë të drejtë të veprojnë në një mjedis të sigurt, dhe ata që e kërcënojnë këtë duhet të mbajnë përgjegjësi.