Ambasadori Dedaj: Liderët e Kosovës mos të marrin pjesë në fushatën elektorale në Maqedoni
Ambasadori i Republikës së Kosovës në Shkup, Gjergj Dedaj, ka kërkuar nga liderët dhe subjektet politike që të mos marrin pjesë në fushatën elektorale në Maqedoninë e Veriut.
Dedaj ka thënë se zgjedhjet në Maqedoninë e Veriut janë çështje e brendshme e këtij shteti.
“Zgjedhjet ne Maqedoninë e Veriut, çështje e qytetarëve të këtij vendi fqinj! Liderët dhe subjektet politike kosovare, të mos marrin pjesë në fushatën elektorale në Republikën e Maqedonisë së Veriut, kështu duke mos interferuar dhe të mos përzihen në këtë fushatë të vendit fqinj, e cila është çështje e brendshme dhe ekskluzive për forcat politike dhe qytetarët e Republikës së Maqedonisë së Veriut!”, ka shkruara Dedaj në llogarinë e vet në “Facebook”, raporton “Epoka e re”.
Shkup, 7 Korrik 2020Zgjedhjet ne Maqedonine e Veriut, çeshtje e qytetareve te ketij vendi fqinj!Lideret dhe…
Publiée par Gjergj Dedaj sur Mardi 7 juillet 2020