Ambasadori i Shteteve të Bashkuara në Kosovë (ShBA), Greg Delawie, sërish ka reaguar të hënën rreth ratifikimit të marrëveshjes së demarkacionit me Malin e Zi.

Delawie i ka porositur deputetët se ka ardhur koha t’i jepet fund ratifikimit të kësaj marrëveshjeje këtë javë.

“Deputetë, është koha që këtë javë ta sillni atë në vijën e fundit”, ka thënë Delawie.

Ndërkaq kryeparlamentari Kadri Veseli ka thënë se vazhdimi i seancës për ratifikimin e demarkacionit mund të shtyhet për javën e ardhshme, shkruan “Epoka e re”.