Real Madridi shënoi fitore me rezultat 3-2 ndaj Manchester Cityt në “Etihad Stadium”. Pas ndeshjes, Carlo Ancelotti është shprehur i kënaqur me fitoren e arritur dhe epërsinë e vogël për ndeshjen e kthimit.

“Jam i qetë dhe i lumtur, pa dyshim. Ne dalim mirë në ndeshjen e parë të raundit eliminator, kaluam një epërsi të vogël dhe duhet të shkojmë në ndeshjen e kthimit me besim. Ndeshja shkoi mirë, ishte një lojë e kompletuar në të gjitha aspektet. Ne u mbrojtëm mirë, të gjithë punuan, ishim efektivë përpara, patëm shumë mundësi shënimi”, ka thënë Ancelotti, i cili ka shtuar se klubi që ai e drejton arriti fitore të merituar. “Fitorja është e merituar. Ne ishim shumë të rrezikshëm në sulm, katërshja e përparme ishin shumë efektive. Mund të ishim më të saktë, por ata krijuan shanset me lëvizshmërinë dhe cilësinë e tyre. Unë nuk i kritikoj asgjë kësaj ndeshjeje dhe nuk vendos asnjë por për të gjetur gjëra të tjera”, ka shtuar Ancelotti.

Për ndeshjen kthyese në Madrid, Ancelotti ka shtuar: “Nuk do të ndryshojë ideja e tyre se si u përgatitën për këtë ndeshje dhe nuk do të ndryshojë ideja jonë. Dua të nënvizoj se ne u mbrojtëm mirë, na lënduan ato pak herë që na kapi nxitimi për të ushtruar presion”.