Vazhon debati lidhur me tensionet mes trajnerit të Real Madridit, Carlo Ancelotti dhe dy veteranëve Luka Modriq dhe Toni Kroos. Trajneri italian ka thënë se nuk ka frikë që të lë këtë dyshe në bankën rezervë.

“Nuk kam frikë t’i lë në stol Modriqin dhe Kroosin. Ata nuk kanë luajtur shumë, kjo është e vërtetë, por sa herë që hidhen në fushë japin kontributin e tyre. Nëse më duhet t’u përgjigjem të gjitha kritikave, duhet të kaloj shumë kohë këtu dhe mendoj se nuk është e nevojshme”, ka thënë Ancelotti.