Skandali i ndodhur fundjavën që lamë pas në Formula 1 vijon të përflitet me Sebastian Vettelin, i cili vazhdon të jetë i tërbuar me atë çfarë ndodhi.

Në një prononcim të dhënë së fundmi për mediat, piloti gjerman shpërthen duke thënë se po vidhet hapur. Vetteli deklaron se nuk di çfarë të bëjë më tepër.

“Nuk kisha ku të shkoja, realisht nuk kisha ku të shkoja. Ku duhet të shkoj? Çfarë duhet të bëj? Më thonë të fokusohem dhe jam i fokusuar, por po na vjedhin!”, ka thënë Vetteli.