ANP “Adem Jashari” zgjedhet stacioni me performancën më të mirë nga Easyjet

11 janar 2018 | 14:12

Aeroporti Ndërkombëtar i Prishtinës “Adem Jashari” gjatë vitit 2017 ka shënuar numrin më të madh të udhëtarëve të procesuar ndonjëherë në historinë e tij.

Me këtë rast janë pranuar disa çmime nga kompani ajrore dhe organizata ndërkombëtare për performancë si dhe për kontributin e dhënë në projekte korporative të përgjegjshme ndaj shoqërisë.

Së fundmi, ANP “Adem Jashari” ka pranuar edhe një certifikatë mirënjohje nga kompania ajrore Easyjet duke u zgjedhur stacioni me performancën më të mirë nga më shumë se 30 shtete, ku kjo kompani operon pa aeroplanë të stacionuar.

Kjo mirënjohje i është ndarë për procesim të shpejtë të fluturimeve, udhëtarëve si dhe bagazheve të tyre gjatë muajit tetor 2017.

Është hera e nëntë që ANP “Adem Jashari” pranon një mirënjohje të tillë nga Easyjet.

Easyjet është kompani ajrore që operon me kosto të ulët dhe është e pranishme në Kosovë që nga viti 2010 duke ofruar fluturime direkte me çmime të ulëta në disa destinacione.

Fjalët Kyçe:

Lajme të sponsorizuara

Të fundit
Kryetari i Kuvendit të Kosovës, Kadri Veseli, ka përgezuar Kuvendin…