Ansambli i Këngëve dhe i Valleve “Zëri i Kosovës” kthehet nga Tirana me trofe e çmime

19 tetor 16:16

Kryeqendra e Shqipërisë ishte nikoqire e Festivalit të talentëve të rinj “Internacional Shqiptar” i cili u mbajt për nder të 100-vjetorit të Tiranës. Në kushte pandemie, por nën masat mbrojtëse, në këtë festival mori pjesë edhe grupi i dytë i AKV “Zëri i Kosovës” nga Fushë-Kosova.

Paraqitja e Ansamblit ishte e jashtëzakonshme dhe e veçantë nga grupet tjera pjesëmarrëse, e për këto të arritura meritore është koreografja Tringa Krasniqi e cila po bënë një punë vetëmohuese me këta artistë të rinj.

Në një konkurrencë tepër të fortë dhe me një juri të gjerë profesionale, Ansambli “Zëri i Kosovës” nga Fushë-Kosova u nderua me trofeun e Festivalit dhe me dy çmime: Çmimi i parë për kostumet më të bukura dhe Çmimi i dytë për vallen më të mirë të luajtur.

Pjesëmarrja në këtë Festival do të ishte e pamundur pa ndihmën e Komunës së Fushë-Kosovës, përkatësisht Drejtorisë së Kulturës, Rinisë dhe Sportit.

(Q.R / Epoka e re)

Lajme të sponsorizuara

Të fundit
Kryetari i Komunës së Vushtrrisë, Xhafer Tahiri, ka bërë me…