Ariana Grande ndërpret turneun për shkak të sëmundjes

18 nëntor 2019 | 11:42

Ylli i muzikës pop, Ariana Grande është dashur të ndërpresë turneun ‘Sweetener’, në mënyrë që t’i përkushtohet shëndetit.

Ajo në një status në llogarinë e vet në “Instagram” ka njoftuar se ishte e sëmurë, duke zbuluar për fansat se ka përjetuar dhimbje të mprehta qëkur ka performuar në Londër.

Këngëtarja e njohur ka thënë se zëri i saj tingëllon mirë, por për shkak të sëmundjes ajo nuk mund të marrë frymë në skenë.

Ajo ka njoftuar sot se gjendja e saj po përkeqësohej dhe se do të duhet të anulojë performancën në Lexington, Kentucky.

Edhe pse ende nuk është e sigurt se çfarë i shkaktoi problemet e saj shëndetësore, Grande u ka premtuar fansave se do të njoftohen “sa më shpejt që të zbulojë se çfarë po ndodh me organizmin e saj”.

Lajme të sponsorizuara

Të fundit
Neymari ishte shumë afër rikthimit në Barcelonë në verën e…