Asgjë nuk është demarkacioni, kundruall asociacionit (lexo; copëtimit# të Kosovës)!

25 shkurt 18:35

Fadil Maloku

1. Opsioni i ndarjes, po rikthehet ngadalë por sigurt, por, tash jo më si farsë, por si realitet! Presidenti serb, gjatë gjithë këtyre muajve, është duke kërkuar me ngulm konsensus nacional si me; opozitën, kishën, mediet shoqërinë civile, ashtu edhe ASHK-së. Këtë konsensus, ai e pret deri në prill të këtij viti.

2. Në ndërkohë, qeveria Vuçiq nuk ngurron që edhe në këtë vikend, përmes medieve dhe aparatçikut besnik millosheviqian Daçiq, të lëshoj “balona” testues për konsum të brendshëm dhe të jashtëm.

3. Por, kujt do i takojnë “meritat” kryesore për rikthimin e kësaj teme si top agjendë, në Bruksel, Beograd dhe Prishtinë, në muajit në vijim? Ose kujt duhet t’i adresohet kjo “qershi mbi tortë”? Unë mendoj që kjo i takon decidivisht;
a. Së pari, papërgjegjësisë sonë shtetërore (se nuk patëm: këllqet lidershipi; as dije, as vullnet e as projekte A, B, C…) për ta menaxhuar saktësisht këtë temë. Sepse, Marrëveshja… u nënshkrua me qëllime të protagonizmit, pa pasur paraprakisht asnjë konsensus mes qeverisë dhe opozitës, së atëbotshme. U veprua, sikur të kishim të bëjmë me pronë personale, e jo sish shtetërorë;
b. Së dyti, neglizhencës dhe indiferencës së Brukselit, të cilit i munguan për vite të tëra: si vullneti unik politik, ashtu edhe vendimet e prera, për ta përmbyllur këtë çështje, në favor të sigurisë dhe stàbilitetit të rajonit; dhe
c. Së treti, këmbëngulësisë dhe fanatizmit të gjitha qeverive të Beogradit, që për dy dekada të tëra arritën ta mbajnë në “presing” të paparë, si opinionin e brendshëm, ashtu edhe atë ndërkombëtar; për temën e ndarjes (jo shkëmbimit, si po mendojnë disa) së veriut të Kosovës.
Andaj: të nderuar qytetar, qeveritar, opozitar, medie, shoqëri civile, intelektual, ekspert, etj. Bëhuni gati për koncesione të reja morbide në syrin e pranverës…

#P.S. nuk kemi të bëjmë, as; me shkëputje, as shkëmbim territoresh, as ndarje, por thjesht; me copëtim!

Lajme të sponsorizuara

Të fundit
Familjet e presidentit Hashim Thaçi, kryeparlamentarit Kadri Veseli dhe kryeministrit…