Sportistja ruse e hedhjes së çekiçit, Tatyana Kachegina, është pezulluar me 4 vjet nga të gjitha veprimtaritë, pasi ka rezultuar pozitive me disa substanca të ndaluara, lajm që është konfirmuar nga “Associated Press”.

Pas një kontrolli antiodoping, në urinën e sportistes janë gjetur një “koktej” lëndësh të ndaluara si steroidë anabolizues (turinabol dhe stanozolol), meldonium dhe hormoni i rritjes GHRP-2.

Ky është pezullimi i parë që vjen për atletikën ruse që kur WADA vendosi ta njohë laboratorin e saj në Moskë dhe IAAF hoqi pezullimin trevjeçar të atletikës ruse.