Një kosovar është arrestuar në kryeqytetin e Austrisë, Wien.

Ai dyshohet se të premten më 27 tetor e ka therur me thikë ish të dashurën e tij.

Ngjarja ndodhi në Liesing, afër shtëpisë së viktimës, shkruajnë mediat austriake.

Ajo kishte marrë plagë në shpinë dhe shpatull, njoftoi policia austriake.

Raportohet se policia u thirr nga një dëshmitar në vendin e ngjarjes.

39-vjeçari nga Kosova kishte ikur nga vendi i ngjarjes, por brenda pak kohësh arrestua nga Njësia Speciale e Vjenës (WEGA).

Thika e përdorur ishte ende e gjakosur.

Arma e ftohtë u gjet nga autoritetet e rendit në vendin e krimit.

Pas arrestimit, i dyshuari ka refuzuar të dëshmojë.

Hetimet e tentim vrasjes, po udhëhiqen nga Zyra e Policisë Kriminale në Wien.

Gruaja 39-vjeçare ka marrë ndihmë mjekësore urgjente nga shërbimi profesional i shpëtimit dhe është dërguar në spital.

Raportohet se jeta e saj është jashtë rrezikut për jetën.

Deri më tani besohet se deri tek ngjarja e rëndë erdhi pasi një konflikti mes çiftit, për shkak se kosovari nuk mund të pajtohej me ndarjen nga ish e dashura e tij.