Austria dënon ashpër sulmet në Zveçan dhe Zubin Potok
26 shtator 2021
| 13:51
Austria ka dënuar incidentet e djeshme në veri të shkaktuara nga huliganët serbët, ku janë djegur qendrat e regjistrimit në Zveçan dhe Zubin Potok.
Ministria e Jashtme austriake në një reagim në faqen zyrtare në “Twitter”, ka thënë se zgjidhja e çështjeve të hapura qëndron në dialog dhe jo në dhunë.
Ky shtet mik i Kosovës u ka bërë thirrje po ashtu palëve që të përmbahen nga veprimet përçarëse dhe kërcënuese.
“Ne i dënojmë incidentet e mbrëmshme në Kosovë. Zgjidhja e çështjeve të hapura qëndron në negociata, jo në dhunë. Të gjitha palët duhet të përmbahen nga hapat përçarës dhe kërcënimet. Dialogu i lehtësuar nga BE është mënyra e vetme për një të ardhme paqësore dhe integrim në BE”, është thënë në këtë reagim.