Bahtiri: Isa Mustafa po e bllokon marrëveshjen LV-LDK

27 janar 22:07

Kryetari i Mitrovicës dhe zyrtari i Vetëvendosjes, Agim Bahtiri ka thënë se çështja e kryetarit të Parlamentit është çështje e mbyllur.

Bahtiri, në një linjë telefonike për “Debat Plus” në RTV Dukagjini, ka thënë se LDK-së i kanë ofruar postin e kryetarit të Kuvendit, por këta të fundit kanë dashur postin e Presidentit.

Ai ka thënë se me 26 dhjetor kanw kërkuar propozimin e një anëtari të LDK-së në krye të Kuvendit, por përsëri LDK-ja nuk deshi dhe shkuan me kandidatin e tyre.

Bahtiri ka thënë se Vetëvendosje për shkak të parimeve nuk bën pazar me një pozitë siç është kryetari i Kuvendit.

“I kam thënë personalisht edhe Agim Veliut se mbi këtë post nuk kalon asgjë. Gjithçka mund të diskutohet por posti i Kryeparlamentarit ka përfunduar njëherë e përgjithmonë”.

Zyrtari i Vetëvendosjes ka thënë se kjo parti është e hapur për të diskutuar për të mirën e Kosovës, por sipas tij kjo parti nuk do të shkel mbi parimet e saja.

Bahtiri thotë se ajo çfarë po kërkon LDK-ja është e pa realizueshme dhe sipas tij Vetëvendosje “s’ka ku të shkojë më”.

“Largimi i Glauk Konjufcës do të ishte poshtërim për Vetëvendosjen dhe vet institucionin e Kuvendit”. I pari i Mitrovicës ka thënë se Isa Mustafa është bllokues i marrëveshjes me Vetëvendosjen.

“Jo Agim Veliu por Isa Mustafa është bllokues i marrëveshjes”. Bahtiri thotë se LDK-ja qysh kur ka kërkuar Ministrinë e Punëve të Brendshme ka treguar se nuk është e interesuar për marrëveshje. Zyrtari i Vetëvendosjes thotë se stërzgjatjen e bisedimeve dikush do ta paguajë por sipas tij jo LVV pasi që sipas tij ata kanë bërë lëshime të vazhdueshme.

Lajme të sponsorizuara

Të fundit
Vdekja shokuese e Kobe Bryant në një aksident me helikopter…