Barcelona ka marrë “dritën jeshile” nga trajneri Hansi Flick për vazhdimin e bashkëpunimit.

Sipas “Mundo Deportivo”, kontrata është rinovuar deri në vitin 2028.

Sipas këtij raportimi, trajneri gjerman pritet të nënshkruajë kontratën e re vetëm pasi skuadra katalanase të sigurojë titullin e La Liga.

Kjo mund të ndodhë që këtë fundjavë, nëse Barcelona arrin të mposhtë Osasuna dhe nëse Real Madrid humb pikë në përballjen ndaj Espanyol.

Ndërkohë, agjenti i Flick, Pini Zahavi, pritet të zhvillojë një takim me drejtuesit e Barcelonës javën e ardhshme për të finalizuar detajet e marrëveshjes së re.

Në të njëjtin takim, ai pritet të diskutojë edhe të ardhmen e një tjetër klienti të tij, sulmuesit Robert Lewandowski.