Donald Veshaj dhe Beatrix Ramosaj i dhanë fund lidhjes vetëm pak ditë pas përfundimit të “Big Brother VIP”. Romanca që nisi brenda shtëpisë së famshme nuk e pati të gjatë dhe këngëtarja akuzoi aktorin duke e cilësuar historinë e tyre “fake”. Spekulimet nisën pasi ata nuk u panë bashkë në after party-n e Big Brother.

Pasi lajmet “shpërthyen” në media, këngëtarja konfirmoi ndarjen duke e hequr dhe më pas nga Instagrami. Ndërsa fansat e tyre mendonin se do të kishte një ribashkim, ishte Donaldi që i ktheu “unfollow-n”. Sot këngëtarja ka postuar në Instastory një mesazh për të gjithë ata që e kanë mbështetur gjatë kësaj periudhe.

“Dashuria dhe mbështetja që kam marrë nga fansat e mi është më shumë se ç’mund ta kisha imagjinuar ndonjëherë. Jam me lot në sy duke e ditur që njerëzve u intereson për mua. Nuk mendoja kurrë që do të kaloja këtë eksperiencë. Ju jeni njerëzit e mi të preferuar dhe ju më bëni të lumtur çdo ditë.

Fakti që unë mund t’i bëjë të tjerët të lumtur më bën dhe mua të ndihem mirë. Ju dua vërtet shumë me gjithçka që kam, përgjithmonë.”, ka thënë këngëtarja.