Bedri Hamza priti në takim ambasadorin e ri të SHBA-së Philip Kosnett

12 dhjetor 2018 | 17:28

Ministri i Financave Bedri Hamza ka pritur sot në takim njohës ambasadorin e ri të Shteteve të Bashkuara të Amerikës në Kosovë Philip Kosnett, ku diskutuan për bashkëpunimin e Kosovës dhe Shteteve të Bashkuara të Amerikës në fushën e ekonomisë dhe financave. “Ministri Bedri Hamza duke e uruar për detyrën e re Ambasadorin Kosnett, e falënderoi atë për ndihmën dhe kontributin që Shtetet e Bashkuara të Amerikës kanë dhënë dhe po japin për institucionet e Kosovës, veçanërisht për Ministrinë e Financave në avancimin e financave publike të shtetit të Kosovës. Gjatë këtij takimi Ministri Hamza gjithashtu e njoftoi Ambasadorin Kosnett për procesin e Buxhetit të Kosovës për vitin 2019, si dhe për planet dhe objektivat e  Ministrisë së Financave për vitin 2019, me theks të veçantë në menaxhimin e financave publike si dhe ruajtjen e stabilitetit makrofiskal të vendit”, është thënë në njoftimin e MF-së.

Ndërsa, ambasadori i ri i SHBA-së në Kosovë Philip Kosnett, e falënderoi ministrin Bedri Hamza për pritjen dhe shprehi gatishmërinë e tij dhe të shtetit amerikan për vazhdimin e bashkëpunimit me institucionet e Republikës së Kosovës, veçanërisht me Ministrinë e Financave.

Lajme të sponsorizuara

Të fundit
Partitë politike opozitare në Kosovë thonë se nuk do të…