Besa Famgas e fillon mbrojtjen e titullit ndaj Trepçës
25 shtator 2020
| 13:11
Besa Famgas e nis me ndeshjen ndaj Trepçës mbrojtjen e titullit të kampionit të Superligës së Kosovës në hendboll në konkurrencë të meshkujve.
Shorti i tërhequr të premten ka përcaktuar që Besa Famgas e Trepça të takohen në Pejë. Ndeshjet e xhiros së parë të stinorit 2020/2021 luhen më 10 e 11 tetor.
Ndeshjet e xhiros së parë janë: Prizreni – Kastrioti, Prishtina – Llapi, Zhegra – Drenica, Vushtrria – Vëllaznimi, Besa Famgas – Trepça.
Shortin e kanë tërhequr komisari i garave, Istref Sadriu dhe administratori, Muhamet Arifi.