Një person ka humbur jetën pasi ka rënë nga një lartësi në Fushë-Kosovë.

Sipas raportit 24-orësh të Policisë së Kosovës, ngjarja ka ndodhur të mërkurën rreth orës 15:32.

Policia ka bërë me dije se viktima ka rënë nga një lartësi në rrethana ende të panjohura.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet për të sqaruar rrethanat e ngjarjes.

“Raportohet se në rrethana të panjohura nga një lartësi ka rënë viktima mashkull kosovar. Me vendim të prokurorit trupi i pajetë i viktimës është dërguar në IML për obduksion”, është thënë në raportin e Policisë së Kosovës.