Blendi Fevziu flet për herë të parë për largimin nga Tv Klan

02 qershor 2018 | 18:15

Ditë më parë, u tha se Blendi Fevziu do të largohet nga Tv Klan-i për tu zhvendosur në Top Channel.

Burime të ndryshme pohuan se për largimin pas 20 vitesh televizion në Klan u bënë disa pakënaqësi në punë. Por sot, moderatori i “Opinion” ka sqaruar gjithçka për herë të parë, gjatë një interviste për Panorama Plus.

I pyetur si qëndron e vërteta e këtij lajmi dhe cilat janë shkaqet që e çuan drejt këtij vendimi, Fevziu zgjodhi të ishte i drejtëpërdrejtë.

“Meqënëse ky lajm është bërë publik dhe shumë njerëz më kanë pyetur mua dhe stafin tim, do të jem i hapur me ju. Kohë më parë, në një bisedë me Ben Blushin, drejtorin e ri të Top Channel kemi folur për disa pakënaqësi të miat në TV Klan. 

Kanë qenë probleme që lidheshin me mënyrën konceptuale dhe funksionale të televizionit, për të cilat ka debate në çdo media. Blushi më bëri një propozim për të qenë pjesë e Top Channel dhe duke parë mënyrën se si ai televizion po fuqizon linjën politike dhe gazetareske pas ardhjes së Blushit, u ndjeva i tunduar nga ai propozim. 

Deri tani nuk kam marrë asnjë vendim nëse do të transferohem në Top apo do të qëndroj në Klan.”- është përgjigjur ai.

Menjëherë pasi lajmi i largimit u bë publik, aludimet se mes Aleksandër Frangajt dhe Fevziut ka patur mosmarrëveshje, nuk munguan. Derisa gazetari e mohoi vetë diçka të tillë.

“Mes meje dhe Frangajt nuk ka ndodhur asgjë konkrete. Vijojmë të jemi miq, por kohët e fundit unë kam patur një objeksion timin lidhur me linjën programore dhe fenomene të tjera në Klan. 

Nuk është se i kam folur shumë me Frangajn gjatë kësaj kohe, por i kam diskutuar së fundmi. Si çdo debat që lidhet me punën, ka gjera me të cilat kemi rënë dakord dhe të tjera për të cilat nuk mirëkuptohemi.”

Ndonëse ende nuk është marrë një vendim përfundimtar, Fevziu theksoi se largimi i “Opinion” nuk do ta dobësojë Klanin dhe nuk do të ketë as një ndikim tek publiku.

Lajme të sponsorizuara

Të fundit
Legjislatura aktuale e Kosovës deri më tash është karakterizuar me…