Deputetët e Kuvendit të Kosovës nuk kanë arritur as sot që ta konstituojnë përbërjen e re parlamentare, duke shënuar dështimin e 28 me radhë.

Sikur edhe në seancat e kaluara parlamentare, nisur prej 15 prillit, skenari ishte i njëjtë: seanca zgjati pak minuta, dhe vazhdon pas 48 orësh – në këtë rast e radhës do të jetë më 9 qershor.

Kësaj radhe, propozimi i VV-së për votimin për formimin e një komisioni për zgjedhjen e kryetarit të Kuvendit ka marrë vetëm 48 deputetë.