“Bloomberg”: “Facebook” ka paguar kontraktues për të transkriptuar mesazhet

14 gusht 11:57

Kompania “Facebook” ka paguar kontraktues të jashtëm për të transkriptuar mesazhet me zë të përdoruesve në shërbimeve të tij, ka njoftuar të martën “Bloomberg”, duke cituar burime të afërta me këtë çështje.

“Facebook” ka konfirmuar se po transkriptonte mesazhet me zë të përdoruesve, por ka thënë se nuk po e bënte më këtë.

“Facebook” nuk është përgjigjur në kërkesën e agjencisë “Reuters”, për të komentuar këtë raport.
Kontraktuesit e jashtëm kanë kontrolluar nëse inteligjenca artificiale e “Facebook”-ut po interpretonte saktë mesazhet.

Kompania e mediave sociale është përballur me kritika të gjera nga ligjvënësit dhe rregullatorët mbi praktikat e saj të privatësisë së përdoruesve.

Javën e kaluar, një gjykatë federale e apelit refuzoi përpjekjen e “Facebook” për të hedhur poshtë një padi, sipas së cilës, kompania mblodhi në mënyrë të paligjshme, dhe ruajti të dhëna biometrike për miliona përdorues, pa pëlqimin e tyre.

Në fillim të këtij muaji, kompanitë “Apple” dhe “Google” pezulluan rishikimin e regjistrimeve me zë nga përdoruesit, pasi shqetësimet për privatësinë e të dhënave janë në rritje.

Lajme të sponsorizuara

Të fundit
Basketbollistët e Kosovës kanë vazhduar me përgatitje para ndeshjes ndaj…