Bota ka 7.7 miliardë njerëz, nga viti 1950 popullsia është trefishuar (Video)

18 qershor 17:31

Raporti i fundit i OKB-së tregon se globi sot ka 7.7 miliardë banorë, apo trefishin e popullsisë që ka pasur më 1950, kur Kombet e Bashkuara nisen të hartojnë raportet mbi perspektivat e zhvillimit të saj. Bota nuk ka pasur kurrë kaq njerëz sa sot.

Numrin më të madh të banoreve vazhdon ta ketë Kina me 1.4 miliard, e pasuar nga India me 1.355 miliard. Me këto ritme, pas 10 vjetësh, India pritet të renditet në krye të listës, duke e s’postuar Kinën në vendin e dytë.

Ndër vendet me popullsinë më të madhe renditen gjithashtu ShBA-ja, Indonezia, Brazili, Rusia, Meksika, Japonia, e Filipinet.

Trendi atje, vazhdon te jete në rritje. Përjashtim bëjnë vetëm Japonia dhe Rusia, ku pritet ulje e madhe pas vitit 2050. Vendi me popullsi më të ulët, rezulton të jetë Vatikani me 801 banorë.

Ata që lindin sot, pritet të kenë jetë mesatare 72.6 vite jetë, por njerëzit në vendet e varfra e kanë këtë mesatare 7 vjet më pak.

2000 vjet më parë rruzulli tokësor kishte gjithsej 200 milionë njerëz. Shkaqet që popullsia globale ka mbërritur këto nivele sot janë të ndryshme, por ndikim të madh në rritjen e saj kanë pasur dietat, mjekësia, kushtet sanitare e vaksinat.

OKB-ja parashikon që 30 vitet e ardhshme popullsia e botës të rritet edhe me 2 miliardë banorë.

Lajme të sponsorizuara

Të fundit
Skuadra e Vëllaznimit ka reaguar pas lajme për transferimin e…