Deputeti i AAK-së, Lahi Brahimaj është deklaruar pak para seancës së 31-të konstituive të Kuvendi të Kosovës.

Ai është pyetur rreth propozimit të LDK-së për qeveri të unitetit, ku Brahimaj ka thënë se nuk i ka parë 15 pikat që janë shpalosur gjatë ditës së enjte.

“Dje ka qenë Dita e Çlirimit, jemi marr me të”, ka thënë Brahimaj, duke uruar edhe një herë këtë ditë të rëndësishme.

Ndërsa sa i përket zhbllokimit të situatës, ai ka kërkuar zgjidhje si nga partia fituese në zgjedhjet e 9 shkurti, ashtu edhe nga ish-opozita.

Po ashtu, Brahimaj ka thënë se askush se ka menduar që do të provohet 31 herë konstituimi i Kuvendit të Kosovës.