Brazili mban rekomandimin për hidroksiklorinë, pavarësisht paralajmërimit të OBSh-së

26 maj 2020 | 12:39

Brazili ka treguar se nuk do të ndryshojë rekomandimin e tij për përdorimin e hidroksiklorinës dhe të klorokinës kundër koronavirusit, edhe pse Organizata Botërore e Shëndetësisë e pezulloi testimin e këtyre dy ilaçeve, për shkak të shqetësimeve për sigurinë.

Presidenti i Brazilit, Jair Bolsonaro, ka promovuar disa përfitime të supozuara të tyre kundër koronavirusit.

Javën e kaluar, një studim në revistën mjekësore “The Lancet” ka konstatuar se hidroksiklorina nuk sjell përfitime në trajtimin e pacientëve me koronavirus dhe se përdorimi i saj mund t’i rrisë shanset e tyre për të vdekur.

“Ne do të mbetemi të qetë dhe nuk do të bëjmë ndryshime”, tha një zyrtar i shëndetësisë në Brazil, raporton BBC.

Hidroksiklorina përdoret kundër malaries ose artritit, por asnjë testim klinik nuk e ka rekomanduar përdorimin e saj për trajtimin e COVID-19 – sëmundjes që e shkakton koronavirusi.

Brazili është vendi i dytë më i prekur me koronavirus, pas SHBA-së.

Afro 375,000 njerëz atje janë infektuar, ndërsa mbi 23,000 kanë vdekur./rel/

Lajme të sponsorizuara

Të fundit
Kuvendi i Republikës së Kosovës, ka shpallur sot konkurse për…